عيني في عينك...

عيني ف عينك
تقدر تنهي ما بيني وبينك ؟
لا يا حبيبي دا متهيألك
أنا قدرك فوق سطر جبينك
ولا تكون بتشاور عقلك ؟
موش هاسمحلك
دانا جواك أقرب من نفسك
قمرك ، شمسك
بردك ، ضلك
بسمة فرحك
رمش جفونك
لو فكرت ف يوم تهجرني
ولا تخوني ، ولا تبيعني
يبقى يا ويلك
مش هاتشوف
نجماية ف ليلك
واكيد راح تشتاق لزماني
والسهد يحاصرك وتعاني
وهاتغرق في بحور ظنونك
وهاتتمنى
لو ارجع تاني
وأسامحك
وف لحظة اجيلك
مش مغرورة لكن صدقني
عمرك ما هاتقدر
تفارقني
أو تنهي اللي ما بيني وبينك
طب يا حبيبي أهو ووريني
عيني ف عينك
عيني ف عينك

يااااا لهوي.. مش ياقولكم و من الحب ما قتل؟؟.. اهي الاستاذة تحس انها هتخزق لو عينو Very Happy

هههههههههههه
كل شوي عيني في عينك.. الواد اتخض يا عيني... بصوا رد عليها ازاي؟؟ ههههههههههههه

شوفي يا حياتي
اللي ما بيني وبينك أكبر
من احتمالاتك واحتمالاتي
اللي ما بيني وبينك سر
زي ما بين الروح و حياتي
شوفي يا عمري
أنا م الأخر كدا
مجنونك
كل جرا يم الكون اعملها
ألا جريمة أنى أخونك
او أفكر ابعد من جنبك
او المح دمعة في عيونك
أصل عيونك فيهم لغز
وقت ما أشوفهم بيتوهني
فيهم شيء زي السحر
بيجنني

-Semsema-