كرهتك يا مصر...

كرهتك يا مصر

كرهتك يا طيبه
يا ارضي الحبيبه
وحياتي فزريبه
والعيشه قهر

كرهتك يا مصر

كرهت السماره
البنات العذاره
تجاره جهاره
في عرض مصر

كرهتك يا مصر

كرهت العبيد
والعقد العنيد
والكفيل البغيض
يتاجر في عيشنا قصر

كرهتك يا مصر

كرهتك وحمشي
وحتبقي يا عمري همشي
بعد ما كتبتين همشك
ودهستي احلى زهر

كرهتك يا مصر

وخلاص اخدت فيزه
والحياه حتبقى لزيزه
وانسى حبي لعزيزه
وحعشق اللحم جهر

كرهتك يا مصر

وحعمر ارض غيرك
وعرقي ينسى نيلك
واتنسب لحضاره غيرك
وحصنع لنفسي نصر

كرهتك يا مصر

وكرهت شوقي لترابك
وذكرى اللعب فغطانك
وحلاوه سكر ثمارك
والشقاوه مع كل عصر

كرهتك يا مصر

وكرهت كدبي عليكي
والهروب من شوفه عنيكي
وبتمنى المس اديكي
قبل ما يضمني قبر

عشقتك يا مصر

وحق البياض في شعري
وحق الاهات في شعري
كذبت طول عمري فمشعري
وبتمنى اضمك يا مصر

مشتقلك يا مصر

واحلف لاضمك
وابكي في حضنك
واعيش في جمرك
مهما طال الدهر

لاعودلك يا مصر

ده نار جفاكي
وقسوه ولاكي
وغفله بناكي
سر حب ما يمحيه دهر

بعتذرلك يا مصر

كرهت صعبك
وطلبت سهلك
وجهلي سميته جهلك
وحضارتك سمتها كفر

لاضمك يا مصر

ضمه مني ولا منك
ضلمه فيا ولا فيكي
حتى قبرك حس بيا قبل ما احس بيكي
ووفيتي بوعدك يا مصر

باحبها بعنف وبرقة وعلى استحياء
واكرهها والعن أبوها بعشق زى الداء
هكذا قالها عاشق مصر العظيم
صلاح جاهين

ماصدقتش ان فيه ابن أصيل من أبناء مصر
ممكن يكرهها
لان مصر متتكرهش ومش ممكن نكرهها


صحيح فيها حاجات كتير اتشوهت
انما معدن اولادها الاصلاء عمره مايتشوه
كل كلمة كراهية من اللى اتقالت
هى قمة الحب والعشق والذوبان فى تراب مصر